Muslim Saleem majmooa Amad Amad as e-book on rekhta.org
https://www.rekhta.org/ebooks/aamad-aamad-muslim-saleem-ebooks/
MUSLIM SALEEM – 7 MAY 2019
USKI ADAA NAY RAKH DIYA KHUD HAMKO MAAR KAY
HAMKO PATAA NAHEEN THAY IRAADE SHIKAR KAY
BOSEEDA PAIRHAN KOI KAB TAK SIYA KARE
BAKHIYE UDHAD GAYE HAIN BAHUT AITBAAR KAY
SEERAT BHALI NA JAANIYE SOORAT KO DEKH KAR
DAAWE GHALAT BHI HOTAY HAIN KUCHH ISHTIHAAR KAY
DHUNDHLA GAYE HAIN AAJ ZAMANAY KI GARD MAIN
JO KUCHH SAJAA KAY RAKKHAY THAY SAPNAY BAHAAR KAY
MUSLIM SALEEM – 16 APRIL 2019
NA JAANE AUR KITNE MOD BAQI HAIN FASAANE MAIN
JO DIL MAIN AA GAYE UNKO JHIJHAK HAI PAAS AANE MAIN
KASAR KOI UTHHA RAKHTE NAHEEN HAIN ZULM DHAANE MAIN
MAGAR MASOOMIYAT RAKHTE HAIN QAYAM MUSKURAANE MAIN
HUAY BARBAD HAM BAYSHAK, KHUSHI KI BAAT HAI LEKIN
TUMHARA NAAM LEKAR HAM KO LOOTA HAI ZAMAANE MAIN
KHUD APNE MUNH SE KEH DETE TOU YOON CHARCHA NAHEEN HOTA
HUAY KUCHH AUR BHI BADNAAM RAAZ E DIL CHHUPAANE MAIN
KISI KE KAAM TOU AAYEE HAI BARBADI MIRI MUSLIM
MITAA DAALI HAI HASTI YAAR KO IK PAL HANSAANE MAIN
MUSLIM SALEEM – 5 APRIL 2019
YEH JEENA JIS KE BAAIS IK SAZA HAI
MIRE HONTON PE USKI HI SADA HAI
TIRE BIN BHI HO LAMBI UMR MERI
DUA HAI YAA YEH TERI BAD-DUA HAI
QAYAS-AARAYIAN KYOON KAR RAHE HO
HAMEEN SE POOCHH LO KYA MAJRA HAI
KAREN GAY JAB SAFAR KI IBTIDAA TOU
NAHEEN SOCHEN GAY HAM ANJAAM KYA HAI
KABHI HOTI NAHEEN HAI KHATM MUSLIM
SUNO YEH ZINDAGI IK SILSILA HAI
MUSLIM SALEEM – 29 March 2019
HAAT MAIN TOOTI HUI PATWAR HAI
MAUJ KE SEENE PE BHI BHI WAAR HAI
JO BHI MANZIL HAI WO IK DEEWAR HAI
MERI MANZIL MANZILON KE PAAR HAI
CHAIN SE REHNE NAHEEN DETA HAI JO
GHAM MASARRAT KA WO RISHTE-DAAR HAI
YE SAMAJAH PAAYE BADI MUDDAT KE BAAD
JO TIRA INKAAR HAI, IQRAAR HAI
SAB KO TOOFAN SE BACHAA LAAYA HOON MAIN
USKO PAANA BHI MIRA EESAAR HAI
KABHI KABHI MERE GHAR BHI AAO
JO ZINDA HO TOU NAZAR BHI AAO
UDAAS KAR KAY GAYE HO AKSAR
KHUSHI KI BAN KAR KHABAR BHI AAO
KHILAAO KALIYAN, SABA CHALAAO
CHAMAN KI JHOLI KO BHAR BHI AAO
WO GHAR SE NIKLE TOU SAB YE BOLE
IDHAR BHI AAO, IDHAR BHI AAO
BAHUT HAWAON MAIN UD RAHI HO
PARI JI! DIL MAIN UTAR BHI AAO
RUKAAWATEN TOU SADA RAHENGI
RUKAAWATON SE GUZAR BHI AAO
SAFON MAIN DUSHMAN KI AAJ MUSLIM
DHAMAKA ULFAT KA KAR BHI AAO
Manqabat hazrat Ali A.a.
Mujh pare chalega hukm. Na aatish na aab ka
Sun le. Hawa ke banda hoon main bu turab ka
Khabar bhi mere samne halka Wa ek wazn
Bazu ye Muntazir bade inqilaab ka
Ba farmaish ibarat Ali talaash italy (composed in second during chatting
MUSLIM SALEEM – 18 MARCH 2019
HAR BAAR YE LAGAA KE UNHEN BHOOL JAYENGE
KYA THI KHABAR KE AUR BHI WO YAAD AYENGE
CHINGARIYA JO ISHQ KI DIL MAIN DABAYENGE
AISA DHUAAN UTHHEGEA KE SAB JAAN JAYENGE
SEHME HUAY HAIN MERE IRAADON SE SAB HAREEF
KYA UN MEN HAUSLA HAI KE MUJHKO DARAAYENGE
JAB HUSN HOGA JALWA-NUMA TAKHT E ISHQ PAR
SAB ZAR KARENGE NAZR TOU HAM JAAN LUTAAYENGE
IK IK GHADI SADI KE BARAABAR TAWEEL HAI
KITNI LAGAA KE DER WO KUCH DER AGYENGE
left photo ) Zafar Sehbai garlanded Muslim Saleem ( right ) Shashank, Ahad Prakash and Vijay Vate
I (Muslim Saleem) PRESIDED OVER PROGRAMME “SHAHR DAR SHAHR GHAZAL” OF Read more…
buzurg, video aur ear-phone
Shewa hai buzurgon ka ke bachchon se chhupa kar
woh video suntay hain ear-phone laga kar
kuch aur naheen, dekhte hain film purani
maazi ki jawani ke haseen khwab saja kar
bachchay to bade hotay hi begane hue hain
youtube se ab dosti karli hai daba kar
Naushad o Ravi, Nayyer o S.J. bhi hain haazir
Talat o Rafi , Asha, Lata mlitay hain aakar
woh daur sunehri tha nai nasal yeh sun le
fankar they woh aisay jo atay nahi ja kar
Yousuf hon Gurudutt hon, woh meena ke Madhu hon
le jatay hain jazbaat ki lehron mein baha kar
ab Jani o Mahmood ka milta nahi sani
GhamgeeN hoN agar hum to yeh jatay hain Hansaa kar
maddahon mein fankaron ke Muslim bhi hai shaamil
dataa hain woh naghmon ke to saame hai gadagar
.. .. .. .. .. .. .. .. .. .
Nayyer= o. p Nayyer, s. j. = Shankar jaikishan, Yusuf = dilip kumar, meena. meena kumari, madhu. madhubala, jani. Johney Walker, gadagar. bhikari
muslim Saleem – 18 february 2019
yeh miray daur ki haqeeqat hai sach se kaanton ka haar milta hai
rehnuma sab yeh maan baithay hain jhoot se Iqtidaar milta hai
sachche aashiq ka har zamane mein bas yahi haal-e zaar milta hai
Qais farhaad ho ke raanjha ho pairhan taar taar milta hai
chhor day maikashi mahabbat kar dekh kya tujh ko yaar milta hai
aisi masti kahan hai bottle mein mein jo khumar milta hai
manzilon ki taweel raahon mein sabr ka khar=zaar milta hai
tuutati hain khizaan ki zanjeeren tab pPayam e bahar milta hai
Sarhad e ishhq se zara agay aik aabi mazaar milta hai
jisko koi uboor kar na sakay behr ik be kinar milta hai
be sabab aik dosray ke liye ab dilon main ghubar milta hai
shahr e ulfat jahan pe basta tha nafratoon ka dayaar milta hai
nafratoon ki kateeli jhaari par zehr phal bay-shumaar milta hai
roz-afzoon farogh par Muslim zulm ka kaarobar milta hai
NAA DAFTAR NA MEZ AUR NAAM KI TAKHTI HAI
MAIN HOON RETIRE AB YE MERI HASTI HAI
LOGON KO AB MUJH SE KOI KAAM NAHEEN
MERE PHONE KI GHANTI KAM HI BAJTI HAI
Bhopal,February 8, 2019 : bain ul aqwami shayar aur urdu web directories ke khaaliq muslim Saleem par tehqeeqi maqalah GC university, Lahore mein pesh kar diya gaya hai. Professor Aisha Saleem ki zair-e nigrani ”Muslim Saleem ke majmoo’e aamad aamad ka taziyati mutala’a“ unwan se yeh tahqeeqi aur tjzyati maqalah research scholar mohtarma Iqra Riasat ne murattab kiya hai. Maqalah ko 4 abwab par munqasim kiya gaya hai jin mein 1. Halaat e zindagi 2. 1947 ke baad shairi ki rivayet 3. Muslim Saleem ke majmoo’e aamad aamad ka fikri mutalea aur 4. muslim Saleem ke majmoo’e aamad aamad fanni mutalea shaamil hain .
paish lafz mein research scholar iqra riasat ne bataya ke unhon ne muslim Saleem ka intikhab internet par maujood unkay aala kalaam aur karnamon ke mad e nazar kya jabkay woh muslim Saleem se zaati tor par nawaqif theen. is mein nigaran professor aisha Saleem neh ahem rahnumani farmai. askalr neh likha hai ke muslim Saleem internet ke zareya duniya ke mukhtalif hisson mein aik bakmal shayar ke tor par pehchane ja rahay hain. jahan taq muslim Saleem ki fikri upaj ka talluq hai to un ke yahan tamam tar shoba haae zindagi ko mauzo banaya gaya hai. mohabbat, gham, hasrat o umeed, kaayenaat ke masail se leker jadeed daur aur is mein honay wali scienci eejadat aur jadeed tiknoloji ka barri chaabak dasti aur khoubsurti se bayan kya gaya hai. isi terhan fani aitbaar se bhi yeh majmoa aala sheri miyaar ka haamil hai .
reserch askalr ke mutabiq muslim ki shairi mein maghribi mufakreen aur shair o sukhan ke mutalea ki jhalak numaya hai. alfaaz o trakib, roz marrah, mahawraat, qafia aur دیف ka Bar mehal istemaal ghazal mein shayar ke aala fankar honay ki Daleel hai. un ke paas susti jazbatiat ke le y koi jagah nahi hai. scholar ke mutabiq is tehqeeqi maqalay ka maqsad duniya ke munfarid shayar muslim saleem ki kawishon ka manzar aam par lana hai taakay mustaqbil qareeb mein adab ke taalib ilm is se istifada kar saken .
مسلم سلیم پر تحقیقی مقالہ یونی ورسٹی میں پیش
بھوپال: بین الاقوامی شاعر اور اردو ویب ڈاریکٹریز کے خالق مسلم سلیم پر تحقیقی مقالہ جی۔سی۔ یونی ورسٹی، لاہور میں میںپیش کر دیا گیا ہے۔پروفیسر عائشہ سلیم کی زیرِ نگرانی ”مسلم سلیم کے محموعہ آمد آمد کاتجزیاتی مطالعہ“ عنوان سے یہ تخقیقی اور تجزیاتی مقالہ ریسرچ اسکالر محترمہ اقرا ریاست نے مرتب کیا ہے۔مقالہ کو۴ ابواب پر منقسم کیا گیا ہے جن میں ۱۔حالاتِ زندگی۲۔1947 کے بعد شاعری کی روایت ۳ مسلم سلیم کے محموعہ آمد آمد کافکری مطالعہ اور ۴ مسلم سلیم کے محموعہ آمد آمد کافنّی مطالعہ شامل ہیں۔
پیش لفظ میں ریسرچ اسکالر اقرا ریاست نے بتایا کہ انھوں نے مسلم سلیم کا انتخاب انٹرنیٹ پر موجود انکے اعلی کلام اور کارناموں کے مدنظر کیا جبکہ وہ مسلم سلیم سے ذاتی طور پر ناواقف تھیں۔اس میں نگراں پروفیسر عائشہ سلیم نے اہم رہمنائی فرمائی۔اسکالر نے لکھا ہے کہ مسلم سلیم انٹرنیٹ کے ذریعہ دنیا کے مختلف حصوں میں ایک باکمال شاعر کے طور پر پہچانے جا رہے ہیں۔جہاں تک مسلم سلیم کی فکری اپج کا تعلق ہے تو ان کے یہاں تمام تر شعبہ ہائے زندگی کو موضوع بنایا گیا ہے۔محبت، غم، حسرت و امید، کائنات کے مسائل سے لیکر جدید دور اور اس میں ہونے والی سائنسی ایجادات اور جدید ٹیکنولوجی کا بڑی چابک دستی اور خوبصورتی سے بیان کیا گیا ہے۔اسی طرح فنی اعتبار سے بھی یہ مجموعہ اعلی شعری معیار کا حامل ہے۔
ریسرچ اسکالر کے مطابق مسلم کی شاعری میں مغربی مفکرین اور شعر و سخن کے مطالعہ کی جھلک نمایاں ہے۔ الفاظ و تراکیب، روزمرہ، محاورات، قافیہ اور دیف کا بر محل استعمال غزل میں شاعر کے اعلیٰ فنکار ہونے کی دلیل ہے۔ ان کے پاس سستی جذباتیت کے لےے کوئی جگہ نہیں ہے۔اسکالر کے مطابق اس تحقیقی مقالے کا مقصددنیا کے منفرد شاعر مسلم سلم کی کاوشوں کا منظرِ عام پر لانا ہے تاکہ مستقبل قریب میں ادب کے طالب علم اس سے استفادہ کر سکیں۔
MUSLIM SALEEM – 8 FEBRUARY 2019
LIKHAA PHIR MITAA KAR, MITAAYA LIKHA PHIR
TIRAA NAAM HI HO GAYAA MASHGHALA PHIR
DUA SE MILI SHAADMANI MAIN GHAAFIL
BHUGAT-TAY HAIN JAB, MAANGTE HAIN DUA PHIR
HAIN SAYYAD SAB BAUKHLAYE HUAY SE
CHAMAN MAIN MAHABBAT KA GHUNCHA KHILAA PHIR
MAHABBAT KE IZHAAR PAR US KA CHEHRA
BANAA PHOOL ANGAARA AISA HUA PHIR
YE ‘PHIR’ KITNI MUDDAT KO HOTA HAI MUSLIM?
KAHAA HAM NE MILNE KO US NE KAHAR PHIR
MUSLIM SALAEEM – 3 FEBRUARY 2019
DIN PHIR SE PALAT AAYEn APNE WO SUKOOn WAALE
TU HAM PE KARAM KAR DAY AY KUN-FAYOOn WALE
KEHTE HAIn JUNOOn WAALE SUNTE HAIn JUNOOn WAALE
JEE-DAARI KI BAATEn HAIn QISSE HAIn YE KHOOn WAALE
“NAA” KEH KE JO DUKH JHELEn WO LOG BAHUT KAM HAIN
“HAAn” WAALE HAZAAROn HAIN AUR LAAKHOn HAIn “HOOn” WAALE
SUN KAR INHEN ZEHNOn MAIn SHOLE SE BHADAKTE HAIn
ASH’AAR HAMAARE HAIn YE SOZ E DUROOn WAALE
IMAAN PE ATAL HAIn JO HAR HAAL MAIn AY MUSLIM
INSAAN WO LAGTE HAIN KIRDAAR FUSOOn WAALE
MUSLIM SALEEM – 31 JANUARY 2019
YE BAAT SACH HAI KE CHUBHTE SAWAAL POOCHTA HAI
MAGAR WAHI HAI KE JO HAAL CHAAL POOCHTA HAI
KAHAAN GAYA TIRA AUJ E KAMAAL POOCHTA HAI
UROOJ E MAAZI SE TANZAN ZAWAAL POOCHTA HAI
SITAM ZAREEFI MIRE BHOLE BEWAFAA KI HAI
WO WAJH E HUZN HI WAJH E MALAAL POOCHTA HAI
HAM APNI MARZI KE MAALIK NAHEEN TOU KYUNYAARAB
HISAAB E ZERO O BAM E MAAH O SAAL POOCHTA
KIYA THAA ISQHQ TOU IZHAAR KYUN NA KAR PAYE
YE BAAT HAM SE KISI KA KHAYAAL POOCHTA HAI
KIBAR-SINI MAIN SAWAALI SATAA NA MUSLIM KO
GAYE ZAMAANE KE SAB QEEL O QAAL POOCHTA HAI
KIBAR-SINI= OLD AGE
ZER O BAM = UTAAR CHADHAO
QEEL O QAAL = CONVERSATIONS (WITH BELOVED)
MUSLIM SALEEM – DO-RANGI DO-GHAZLA
JAB DEKHTE HAIN RUKH KISI TAZA GULAB KA
HAR IK WARAQ PALAT-TAY HAIN DIL KI KITAB KA
HAR SAKHS APNI FIKR KE BAAIS HAI MUZTARIB
AALAM KISE BATAAIYE AB IZTIRAAB KA
WO CHAHE HAATH AYE NA AYE YE KAM NAHEEN
MAANEN GE LOG LOHA MIRE INTIKHAAB KA
NAKAAMIYON SE AAP KO MIL JAYEGI NIJAAT
DAAMAN PAKAD KE CHALIYE KISI KAAMYAB KA
KADWI HAQEEQATEN HAIN MAGAR ZINDAGI TOU HAI
KAB TOOT JAYE KOI BHAROSA HAI KHWAAB KA
(2)
DEEDAR KAR LIYA HAI KISI MAAHTAB KA?
KYUN RANG PHEEKA PHEEKA HAI AAJ AFTAB KA
MASJID MAIN GOONJNE LAGI RINGTONE PHONE KI
KAAR E SAWAAB BAN GAYA MOOJIB AZAAB KA
IBLEES NE CHURAA LEEN MIRI SAB IBADATEN
SAJDE MAIN NAQSHA RAKH DIYA HOOR O SAWAAB KA
ACHCHI RAHEGI AAP SE CHEMISTRI MIRI
JUGHRAAFIYA HASEEN BAHUT HAI JANAAB KA
HADDE ADAB NAHEEN KOI BAAD E MUSHAIRA
CHALTA HAI KHOOB DAUR SHARAAB O SHABAAB KA
Muslim Saleem … 30 January 2019
Aap Achchhe Shair hain dil Zara bada keeje
Doosron ke sheron par daad bhi diya keeje
Hamko deed kaafi hai, saamne raha keeje
Pass gar naheen aate door se mila keeje
Yaad josh o masti main ye muhawra keeje
Leeje aql ke nakhun hosh ki dawa keeje
Ye hai wajh e nakami ham samajh naheen paaye
Kis se dosti rakhiye aur kise khafa keeje
Farq kuchh naheen padta aap dil main rehte hain
Chahe rakhiye nazdeeki chahe fasla keeje
Kyoon Daren zamane se jabke aap Muslim hain
Lashkar e shayaaten ka dat ke saamna keeje
25 JANUARY 2019 KO AALAMI MUSHAIRE MAIN MUJHE SUNIYE —RAAT 9.30 SE 10.30 TAM MUSHAIRE MAIN MUSLIM SALEEM KI SHIRKAT HUI. IS MEN MUSLIM SALEEM NE DO GHAZLEN PARHI JINKO DAAD O TAHSEEN SE NAWAZA GAYA. PROGRAMME 126 MULKON MAIN SUNA GAYAA.
KHAS TAUR SE ASHAAR
DEO QAMAT WO SHAJAR JAB TEZ AANDHI MAIN GIRA
PASTA QAD JITNE THAY PAUDAY SAB QADAWAR HO GAYR
AUR
WO DEKHNE MAIN AB BHI TANAAWAR DARAKHT HAI
HAALAANKE WAQT KHOD CHUKA HAI JADEN TAMAM
IS LINK PAR CLICK KAREN
www.punjradiousa.weebly.com
MUSLIM SALEEM – 23 JANAURY 2019
MUJHE AISE QATL KIYA NA KAR
YA JUDA NA HO YA MILA NA KAR
KAI IS MAIN TERAY BHI RAAZ HAIN
MIRI KHAMUSHI PE HANSAA NA KAR
GHAM O DARD SEH LE KHUSHI KHUSHI
TU KHUSHI KE GHAM MAIN GHULA NA KAR
HAI YE ZARB ISHQ KI AAN PAR
MAIN BARHOON TOU MUJH SE BACHAA NA KAR
MAIN TUJHI MAIN GUM HOON TO AY SANAM
MIRA HAAL CHAAL PATAA NA KAR
MUSLIM SALEEM – 22 DECEMBER 2019
jab raat hui duniya taaron se bhi kheli hai
ab din ke ujale main suraj ki saheli hai
mehboob ki hasti bhi khushbu ki haveli
hai mongra mehka sa, bheeni si chameli hai
hai sab pe ayaan phir bhi unsuljhi paheli hai
us zaat se sab kuchh hai jo zaat akeli hai
bola yeh nujoomi ne ghayab hain lakeeren hi
kuchh is main naheen dikhta muflis ki hatheli hai
shatir hai bahut duniya, uska yeh wateera hai
masoom iradon aur jazbaat se kheli hai
bay-mehri zamaane ki, ruswai ke mausam main
yakh-basta hawa yeh bhi jidaari se jheli hai
ab tu hi bachhaa Maula Muslim ko zamane main
haalaat ne us par ik chattan dhakeli hai
Muslim Saleem – 20 January 2019
tu jeet na paye gaa chaalaki ke pheroon se
dushman se zara keh do lartay sheron se
yeh raat ke rasiya hain ulfat hai andheron se
shab-baash khilandron kw shikwa hai saweron se
ashaar ki doulat mushkil hai bacha paana
mehfooz nahi koi shuhrat ke luteron se
tadbeerye bohat kar len kuch kaam naheen aaya
nikla hai bhala koi taqdeer ke gheron se
is saanpon ki basti mein zinda bhi to rehna hai
kar Rakha hai yaraana hum ne bhi saperon se
waq’at naheen samjhain tou akhbaar, kitaaben kya
deewan bhi raddi main tul jatay hain seron se
rakhtay hain shama roshan yeh soch ke is dil mein
ik roz to hum muslim niklen ge andheron se
MUSLIM SALEEM – 18 JANUARY 2019
JAZBAAT MAIN MEMAARI KI TAREEKH BANAA DI
SADMON PE TABASSUM KI PARAT HAM NE SAJAA DI
WO HUSN DIYA RAB NE USAY AISI ADAA DI
QALLASH THAY HAM DAO PE TAQDEER LAGAA DI
GARDAN KO JHUKAANE KI HAR IK RASM UTHAA DI
HAM NE AI ZAMAANE TIRI AUQAAT BATAA DI
AI DARD E MAHABBAT KOI INSAAF NAHEEN HAI
ANKHON NE KHATAA KI THI TOU KYUN DIL KA SAZAA DI
MAHBOOB NE IS TARHA MIRE DIL KO JALAAYA
MERI HI MIRAY SAAMNE TAHREER JALAA DI
MAANA KE ZAR O MAAL MAYASSAR NA KARAAYA
GHAZLON NE MIRE HAATH MAIN SHUHRAT TOU THAMAA DI
LAFZON KA MUSAWWIR HAI JISE KEHTE HAIN MUSLIM
ASHAAR MAIN JAZBAAT KI TASWEER BANAA DI
MUSLIM SALEEM – 17 JANUARY 2019
TANHAA’I MAIN SHOR NA YUN DIN RAAT KARAY
KHAMOSHI SE KEH DO DHEERE BAAT KARAY
YAAR HAI JO BHI CHAAHE MERE SAATH KARAY
CHHAHE SAATH NIBHA’E CHAAHE GHAAT KARAY
HAM HAIN CHIRAGH E RAAHGUZAR ALLAH QASAM
HAM SAY AANDHI AAKAR DO DO HAATH KARAY
BAY-AAHAT PHOOLON PE UTARTI HAI SHABNAM
RAB HAM PAR YUN RAHMAT KI BARSAAT KARAY
DIL HAI DIWAANA KYUN UMMEED LAGAATAY HO
JO BHI KARAY WO SAB HASB E HAALAAT KARAY
علی گڑھ میری سانسوں میں بسا ہے
علی گڑھ میرے منہ سے بولتا ہے
جہاں جسکے سبب محوِ ثنا ہے
مجھے وہ سب علی گڑھ سے ملا ہے
دل اپنا چھوڑ آ یا ہوں وہاں میں
وطن بھوپال بے شک ہو گیا ہے
وہ میرس روڈ ہو یا قاضی پاڑہ
یہ دل اب بھی انھیں کو ڈھونڈتا ہے
گلی کوچوں میں اسکے آنا جانا
وہاں چوبیس برسوں تک رہا ہے
جو ایم۔اے۔او سے اے۔ایم۔ یو ہوا ہے
وہ سیّد کاثوابِ جاریہ ہے
اسے کہتے ہیں مسلم یونی ورسٹی
یہاں سے علم کا دریابہا ہے
سٹی اسکول کا بھی ذکر کردوں
کہ جواک درسگاہِ بے بہا ہے
یہیں پہلی غزل میں نے کہی تھی
یہیں سے میرے فن کی ابتدا ہے
اک ایم۔اے۔یو برانچ اسکول بھی تھا
جو اب تعلیمِ ِ نسواں دے رہا ہے
مرے استاد تھے قیوم صاحب
انھیں سے علم کا تحفہ ملا ہے
چلو اب بات کرلیں کیمپس کی
علاقہ یہ بہت ہی پر فضا ہے
بہاریں آرٹس فیکلٹی کی مسلم
انھیں سے باغِ جاں اب تک ہرا ہے
Yaden Aligarh ki …Muslim saleem
Aligarh meri saanson mein basa hai
Aligarh mere mun se boltaa hai
jahan jiske sabab mehve Sana hai
mujhe woh sab Aligarh se mila hai
dil apna chhor aaya hon wahan mein
watan bhopal beshak ho gaya hai
woh merris road ho ya qaazi para
yeh dil ab bhi unhein ko dhoondhta hai
gali koochon mein uskay aana jana
wahan chaubees barson tak raha hai
jo M.A.O se AMU hua hai
woh Syed ka sawab e Jariya hai
usay kehte hain muslim universty
yahan se ilm ka darya bahaa hai
city school ka bhi zikr kar doon
ke jo ik darsgah be-baha hai
yahin pehli ghazal mein ne kahi thi
yahin se mere fun ki ibtida hai
ik AMU you branch school bhi tha
jo ab talimِ e niswan de raha hai
miray ustaad they qayyum sahib
unhein se ilm ka tohfa mila hai
chalo ab baat karlen campus ki
ilaaqa yeh bahut hi pur fiza hai
baharen arts faculty ki muslim
unhein se baghِ e jaan ab tak hara hai
MUSLIM SALEEM – 16 JANUARY 2019
GHALIB MEER IQBAL AUR SAUDA LE AYE
RADDI KI DUKKAN SE KYA KYA LE AYE
MANTOO BEDI ISMAT KE AFSANE BHI
SHAMA BHI AUR JASOOSI DUNIYA LE AYE
MILE HAMEED, FAREEDI AUR IMRAN SE BHI
X-2, JULIA AUR THRESSA LE AYE
JO KUCHH RADDI SAMJHA AAJ KI NASLON NE
KAR KE USKO SAR SE OONCHA LE AYE
MUSLIM APNE DAUR SE HAMKO ULFAT HAI
LE KE KITABEN APNA ZAMANA LE AYE
MUSLIM SALEEM – 15 JANUARY 2019
AGAR HO AZM SHOLON KO BUJHA SAKTI HAI SHABNAM BHI
QANAA’AT SAATH THI TOU KUCHH ZIYADA HI LAGAA KAM BHI
UMEEDEN BAANHEN PHAIALAAYE KHADI THEEN, DEED E JANNAT THI
UDHAR PARDE KE PEECHE MUNTAZIR THAA IK JAHANNAM BHI
GAYEE FASL E BAHARAAN AUR AAYA PAL JUDAAI KA
KHABAR KYA THI KE IN ANKHON MAIN HAI SAWAN KA MAUSAM BHI
TADAPTA DEKHNA MAQSAD HAI, JAAN LENA NAHEEN USKA
BACHAANE JAAN ZAKHMI KI LAGAATA HAI WO MARHAM BHI
HAIN APNE APNE KHADSHE APNE APNE KHAUF AI MUSLIM
PARESHAN DAUR E HAAZIR MAIN MIYAN HAIN AAP BHI HAM BHI
PEER NANHE MIAN’S KARAAMAT AND KHANKHAH, BHOPAL
(Written by Muslim Saleem …Bhopal 11 January, 2019)
Khanqah Shareef Mujaddidi was founded by famous Muslim saint Hazrat Yaqub Mujaddidi alia Peer Nanhe Mian saheb (Khanqah is situated near Peer Gate). He was the most charismatic and famous saint of the family, whose Karaamat were talk of the town. It is said that one Read more…
MUSLIM SALEEM – 9 JANUARY 2019
JAB BAY-HIJAB WO SAR E MEHFIL NIKAL PADAY
AANKHON KE RAASTE SE KAI DIL NIKAL PADAY
ITNA SUKOOT E BEHR E MAHABBAT HUA TAWEEL
MAUJON KO DHOONDHTE HUAY SAAHIL NIKAL PADAY
RAAHON SE BAY-KHABAR THAY MAGAR POOCH POOCH KAR
BAY-KAARWAN HI JAANIB E MANZIL NIKAL PADAY
MAAZI MAIN JINKE SAR THAY ZAMEEN SE LAGAY HUAY
HIMMAT DIKHAANE AAJ WO BUZDIL NIKAL PADAY
PHAILAYA WHATSUP NE KUCCH IS TARHA “ILM O FUN”
SAMJAHANE MAAHIREEN KO JAAHIL NIKAL PADAY
Muslim Saleem majmooa Amad Amad as e-book on rekhta.org
https://www.rekhta.org/ebooks/aamad-aamad-muslim-saleem-ebooks/
MUSLIM SALEEM …KHWAB KI SARZAMEEN …NAYA SAAL MUBARAK
THODI KAANTON BHARI AUR KUCHH MAKHMALEEN
AISI JADOO’EE DUNIYA KAHEEN BHI NAHEEN
REH KE DUNIYA MAIN PAHUNCHA DE ARSH E BAREEN
KHWAAB KI SARZAMEEN, KHWAAB KI SARZAMEEN
AAFAT E JAAN KABHI HAI TOU RAHAT KABHI
WASL E MEHBOOB AUR US SAY FURQAT KABHI
LAMS SE BAYRUKHI AUR IJAAZAT KABHI
KHWAAB KI SARZAMEEN, KHWAAB KI SARZAMEEN
JAAGTA SO KAY BHI DIL KAA ARMAAN TOU HAI
HAATH MAIN USKI ZULF E PAREESHAN TOU HAI
KUCHH BHI HO DIL BAHALNAY KA SAAMAAN TOU HAI
KHWAAB KI SARZAMEEN, KHWAAB KI SARZAMEEN
BHOOL JA RANJ O GHAM, MAT PARESHAN HO
JIS KI AGHOSH MAIN RAAHAT E JAAN HO
CHALIYE AISI JAGAH JIS MAIN IMKAAN HO
KHWAAB KI SARZAMEEN, KHWAAB KI SARZAMEEN
CHAND SAA;AT SAHI DAF E AALAAM HAI
BAYKASON KE LIYE EK IN’AAM HAI
FAIZ-YAAB IS SE HAR KHAS AUR AAM HAI
IS MAIN MILTAY TOU HAIN MAAH RUKH, MAH-JABEEN
YE TAMASHA MAGAR HAMKO BHAATA NAHEEN
SUBH HOTAY HI CHHAT JAYEN MANZAR HASEEN
KHWAAB KI SARZAMEEN, KHWAAB KI SARZAMEEN
MUSLIM SALEEM – 30 DECEMBER 2018
IS LIYE THODI BHI DILCHASPI NAHEEN TAABEER MAIN
HAM HI HAM BAS HUKMRAAN HAIN KHWAB KI JAGEER MAIN
KUCHH AMAL MAIN MUNHAMIK HAIN AUR KUCHH TADBEER MAIN
IS SE SAB ANJAAN HAIN LIKHKHA HAI KYA TAQDEER MAIN
CHAASHNI LAFZON KI BHI HO GUFTUGOO KE SHEER MAIN
SOORATEN ACHHI SAHI, ACHHI BHI HON TASEER MAIN
RAUSHNI KE WO KHAZAANE HAIN TIRI TASWEER MAIN
HAM ANDHERE SE NIKAL KAR AA GAYE TANVEER MAIN
MANZILEN TOLEN GI USKO IZZAT O TAUQEER MAIN
SHART HAI JOSH E JUNOON BAS SEENA A RAHGEER MAIN
JAANE KIS KE PHOOL JAISE HAATH NE LIKHKHI HAI YE
BHEENI BHEENI MAST SI KHUSHBOO HAI IS TAHREER MAIN
AHANI KADIYON KO BESHAK TOD SAKTA THAA MAGAR
BAANDH KAR RAKHKHA HAI US NE PYAAR KI ZANJEER MAIN
ISHQ SACHCHA HAI HAMAARA DEKH LENA EK DIN
AAG ULFAT KI LAGAA DENGE DIL E BAYPEER MAIN
CHAND TINKE PYAAR KE JUD JAYEN TOU AI DOSTO!
UNKO PHIR BIKHRA DE YE TAQAT NAHEEN SHAHTEER MAIN
JAZBA E MUSLIM HAI LAA FAANI, BAQAA KO MAAT DE
KAAT KUCCH AISI NAHEEN DUNIYA TIRI SHAMSHEER MAIN
Muslim Saleem – 23 December 2018
Suraj ke saath saath wo rehta safar main hai
Deewar hai thami hui saaya safar main hai
Milta hai koi gar tou bichharta bhi hai koi
Rishton ka ik ajeeb tamasha safar main hai
Khidki se bus ki dhikti hai hat shai rawan dawan
Bachcha samajh raha hai ke duniya safar main hai
Manzil kab aa gayee naheen lagta hai kuchh pataa
Saathi koi haseen jo milta safar main hai
Duniya hai tere qadmon main ghar se nikal ke dekh
Pal pal taraqqiyon ka ishaara safar main hai
Tu ruk gaya tou Kya hua Muslim Zara ye dekh
Gardish main hai zameen zamana safar main hai
MUSLIM SALEEM – 19 DECEMBER 2018
YE AUR KUCHH NAHEEN, KHUSH-SUHBATI KA JADOO HAI
BADAN MAIN KHAAR KE PAIWAST GUL KI KHUSHBOO HAI
NIZAAM E ADL KA ZAALIM SE WAASTA HAI KOI
JHUKA HUA USI JAANIB HI KYUN TARAZOO HAI
QABAA HAI JISKI SANI KHOON E AADMEEYAT SAY
NAHEEN HAI BHIKSHOO, MAYANMAR KA HALAAKO HAI
SAMBHAL KE REHNA AGAR DOSTI HI KAR LI HAI
YE DANK MAARAY GA IK ROZ KYOONKE BICHH-CHHOO HAI
KARISHMA-SAAZI SIYASAT KI HAI YE AI MUSLIM
KE BAYEN BAZOO KAY HAMRAAH DAYAN BAZOO HAI
MUSLIM SALEEM – 16 OCTOBER 2018
TERI TA’EED SA KHUDA! HAM NAY
WO JO MUMKIN NA THAA KIYA HAM NAY
ARSH SAY PAYI JAB SHAFA HAM NAY
FARSH PAR PHENK DI DAWA HAM NAY
BAAT KARTI THEEN ASHK-BAAR ANKHEN
YUN KYA ARZ MUDDA’A HAM NAY
HAR QADAM PAR SHIKAST KHAANE KA
RAKH DIYA NAAM HAUSLA HAM NAY
WO JAFA HAI JO US NAY KI HAI JAFA
WO WAFA HAI JO KI WAFA HAM NAY KI
MUSLIM SALEEM – 30 November 2018
HAMAARE PAAS BHI AURAQ HAIN KUCHH
ALAM YE HAI KE NAZR E TAAQ HAIN KUCCH
IBAADAT KARNE WAALE HAIN KARORON
MAGAR HAAN AARIF E KHALLAQ HAIN KUCHH
NIZAM O SABIR O KHWAJA HAIN MARJA’
WO SHAKHSEEYAT JO CHIQMAAQ HAIN KUCHH
NAI NASLO! SUNO! MAIRAY SUKHAN MAIN
TUMHAARE WAASTE ASBAAQ HAIN KUCCH
GIRAAN HAIN QARZ-HAA-E ZINDAGANI
ABHI BAAQI HAIN KUCCH, BEBAAQ HAIN KUCCH
KHALLAQ: KHUDA, CHIQMAAQ: MAGNET, ASBAAQ:
LESSONS
MUSLIM SALEEM – 27 NOVEMBER 2018
MAANA KE SITARON SE MULAQAAT NAHEEN HAI
MAIN CHAND SE MILTA HOON, KOI BAAT NAHEEN HAI
THUKRAA DOON MAHABBAT KA AGAR SAATH NAHEEN HAI
HAI PYAR MIRA HAQ KOI KHAIRAAT NAHEEN HAI
IMAAN KA NAGAR WAADI E ZULMAAT NAHEEN HAI
SACH DIN KI WO BASTI HAI JAHAAN RAAT NAHEEN HAI
MAT JAAN KE AB BAAZI MIRAY HAATH NAHEEN HAI
SHEH DI HAI ABHI US NAY KOI MAAT NAHEEN HAI
MATLAB KAY JAWANI SE JAWANI KE HAIN RISHTE
HAI GARMI E KHOON GARMI E JAZBAAT NAHEEN HAI
MUSLIM SALEEM – 23 NOVEMBER 2018
ZARDAAR HUA JAB SE, WO ZAR DHOONDH RAHI HAI
DUNIYA MIRE AIBON MAIN HUNAR DHOONDH RAHI HAI
JIN MAIN HO MAHABBAT KI BHADKATEE HU’EE DAWAT
BETAAB NIGAHON KO NAZAR DHOONDH RAHI HAI
HAI NASL NAYEE, SUBHA KO IK PED LAGAYA
AUR SHAM KO SAKHON PE SAMAR DHOONDH RAHI HAI
AKHBAR HAIN CHUP, TV HAI KHAMOSH, YE JANATA
JO SAB KO PATA HAI WO KHABAR DHOONDH RAHI HAI
GUMNAM SA SHAIR HAI JISE KEHTE HAIN MUSLIM
KYA KAHIYE USAY AAJ KHABAR DHOONDH RAHI HAI
MUSLIM SALEEM – 20 NOVEMBER 2018
IK KAIF TILISMAATI DAR O BAAM PE UTRE
GAR AKS E PARI-CHEHRA MIRE JAAM PE UTRE
SURAJ TOU DHALAA AB HAI FAQAT TERA SAHAARA
AA JAA KE UJAALON KI KIRAN SHAAM PE UTRE
HAI ZAHN KI SARHAD PE TIRI YAAD MUHAFIZ
KYUN QAFILA E GHAM DIL E NAAKAM PE UTRE
KUCCH TUM BHI GAREBAAN MAIN ZARA JHAANK KE
DEKHO
KYA HO GAYA AISA KE HAM ILZAAM PE UTRE
JAB MUJH SA GUNEH-GAAR HUA AAZIM E TAIBA
RAHMAT KO FARISHTE LIYE HAR GAAM PE UTRE
MUSLIM SALEEM – 23 August 2018
SANGEET KAY SUREELAY ZAMANAY MAIN JEE KAY DEKH
UNNEES SAU PACHAAS KAY ASHRAY MAIN JEE KAY
DEKH
GAR JAANANA HAI KAISI HAI JAKDAN NIBAAH KI
TU BHI BANDHAY TIKAY HUAY RISHTAY MAIN JEE KAY
DEKH
US KAY LABON PE PHAILI HAI ZEHREELI SI HANSI
MEHNGAAI KEH RAHI KE SASTAY MAIN JEE KAY DEKH
LETA HAI DOOR DOOR SAY NAATAK KA KYUN MAZAA
KIRDAR BAN KAY KHUD HI TAMAASHAY MAIN JEE KAY
DEKH
TU RAUSHNI KA DAM PAY HAI ZINDA, MIRI TARAH
TANHAAI KAY AMEEQ ANDHARAY MAIN JEE KAY DEKH
MUSLIM SALEEM …22 August 2018
ASHKON SAY BEETAY WAQT KY MANZAR BHIGO LIYE
JO KOI YAAD AA GAYA US KO HI RO LIYE
HAMKO YAQEEN KARNA THA HAM HAIN BHI YA NAHEEN
AASAAB SO NA JAYEN TOU NASHTAR CHUBHO LIYE
BARSON KI KHAMUSHI PE YUN SHABKHOON MAARIYE
KUCCH HAM SUNAYEN HAAL TOU KUCHH AAP BOLIYE
AAKHIR KO KEH UTHHAY KE JO KEHNA KABHI NA THAA
ITNA KAHAAN THAA SABR KE HAR BAAT TOLIYE
IQBAL, MEER, GHALIB O MUSLIM HAIN BAY-MISAAL
QATRAY HAIN KUCCH JINHON NAY SAMANDAR SAMO LIYE
Muslim Saleem – 20 August 2018
bay-yaanay ki shakl bana di hai ham nay
dil par teri muhr laga di hai ham nay
uski anaa kuchh aisay barha di hai ham nay
apni anaa har tarh ghata di ham nay
bay-qadri ki dhoop na tujhko jhulsaye
sheron ki bauchhar laga bana di hai ham nay
chaar ankhon say gup chup baatain kar kar kay
lafzon ki deewar gira di hai ham nay
is main chamakta rang e lahu sindoori hai
aaj ghazal ki maang saja di hai ham nay
—
MUSLIM SALEEM – 18 AUGUST 2018
TUM KAHAN SAY ZINDAGI MAIN AA GAYE
HAM ACHANAK RAUSHNI MAIN AA GAYE
HAM NAHEEN THAY WO JO HAM DIKHNAY LAGAY
DEHR KI SHEESHAGARI MAIN AA GAYE
DEKH LEEJAY HAM HUAY KYA KAAMYAB
KITNAY CHEHRE HAMSARI MAIN AA GAYE
RASM E BANDAPARWARI KAR DO ADA
HAM TUMHARI BANDAGI MAIN AA GAYE
KAANPTAY ANJAAM SAY HOTA JO HOSH
HAM YAHAAN DEEWANGI MAIN AA GAYE